Казанда мотоциклчылар бәрелешкән

Ямашев проспектында «Савиново» сәүдә үзәге каршында килеп чыккан авария видеосы чыкты.

Скопировать ссылку

(Казан, 17 июнь, «Татар-информ»). Казанның Яңа Савин районында ике мотоциклчы бәрелешкән урыннан видео социаль челтәрләрдә чыкты.

Юл-транспорт һәлакәте кичә Ямашев проспектында «Савиново» сәүдә үзәге каршында килеп чыккан.

Кадрларда юл уртасында яткан мотоциклларны күрергә мөмкин. Авария булган урынны полицейскийлар уратып алган.

Башлангыч мәгълүматларга караганда, ике мотоциклчы да исән. Авариянең сәбәпләре ачыклана.

#юл һәлакәте