news_header_top
16+
news_header_bot
news_top

Казанда Мостай Кәримнең 106 еллыгына багышланган әдәби митинг-концерт була

20 октябрьдә Казанда Даурия урамы һәм Оренбург тракты киселешендә урнашкан мәйданда башкорт шагыйре Мостай Кәримнең 106 еллыгына багышланган әдәби митинг-концерт булачак. Бу хакта Казан мэриясенең матбугат хезмәте хәбәр итә.

Бу көнне Мостай Кәрим исемендәге скверда Казан дәүләт мәдәният институтының «Нур» халык театры һәм «Залесный» мәдәни үзәгенең «Ак Тирәк» башкорт фольклор ансамбле катнашучылары чыгыш ясаячак. Алар фронтовик шагыйрь әсәрләреннән өзекләр белән иҗади номерлар тәкъдим итәчәк.

Тантана Мостай Кәрим һәйкәленә чәчәкләр салу белән тәмамланачак, диелә хәбәрдә.

Әдәби митинг-концерт 10:00да башлана.

news_right_1
news_right_2
news_bot