Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда «МОҢ» мәйданында кытай һәм татар мәдәниятенә багышланган спектакль әзерлиләр
8 августта Казанда «МОҢ» мәйданында «Әлиф» берләшмәсенең «ЭЗ» премьерасы узачак. Бу хакта Бөтендөнья татар конгрессы матбугат хезмәте хәбәр итә.
Спектакльдә татар һәм кытай артистлары ике мәдәниятне нәрсә бәйләгәнен ачыклый. Уртаклыклар шактый: халык бәйрәмнәре, музыка, көрәш, табигатькә мөнәсәбәт һәм хәтта антропологик охшашлыклар.
Куелыш татарларның һәм Кытайдагы *И халкының мифологиясе, традицияләре һәм календарь циклларына нигезләнгән. Ә үзәктә — урман, хәтер һәм яңарыш, диелә хәбәрдә.
*И — Кытайның көньяк-көнбатышында, Сычуань, Юньнань һәм Гуйчжоуның таулы районнарында яшәүче борынгы мәдәниятле халык. Аларның мәдәни традициясе туган-тумача, бабалар һәм табигать белән тыгыз бәйләнешкә, эпос һәм тарихны авыздан-авызга тапшыруга, музыка, бию һәм йолаларга нигезләнә.
Кызыклы яңалыкларны күзәтеп бару өчен Телеграм-каналга язылыгыз