Җәмгыять 30 сентябрь 2018 10:16

Казанда мохтаҗларны кайнар ашлар белән тәэмин итү яңартыла

Кайнар төшке аш атнага өч тапкыр – һәр сишәмбе, чәршәме һәм җомга көннәрендә 10:00 – 11:00 сәгатьләрдә Борһан Шаһиди скверында бирелә.

Скопировать ссылку

(Казан, 30 сентябрь, "Татар-информ"). Татарстан Республикасы мөселманнары Диния нәзарәтенең “Зәкят" хәйрия фонды мохтаҗлар өчен атналык төшке ашлар өләшүне яңарта. Бу хакта ТР Диния нәзарәтенең матбугат хезмәте хәбәр итә.

Кайнар ашлар атнага өч тапкыр – һәр сишәмбе, чәршәмебе, җомга көннәрендә 10:00 – 11:00 сәгатьләрдә Борһан Шаһиди скверында биреләчәк (Борһан Шаһиди урамы, 7). Төшке ашка салат, аш, икенче аш, ипи һәм чәй керә.

Кайнар ашлар йортсызларга, ятимнәргә, инвалидларга, ялгыз һәм өлкән яшьтәгеләргә, авыр тормыш хәлендә калган кешеләргә каралган. Битараф булмаган казанлылар аз керемлеләрне ашатуда катнаша ала. Оештыручылар белән элемтәгә чыгу номеры: 8 (843) 225-33-22.

Узган елда кайнар төшке ашлар белән 3 мең кеше тәэмин ителгән.

Татарстан Республикасы мөселманнары Диния нәзарәтендә аз керемлеләр өчен “Приют” үзәге социаль проекты эшли башлады.

#"Зәкят" хәйрия фонды #мохтаҗлар

Сәхифәләр

Казанда мохтаҗларны кайнар ашлар белән тәэмин итү яңартыла