Казанда «Мин күкне сайлыйм» авиашоу репетициясе дәвам итә
Скопировать ссылку
Казанда «Мин күкне сайлыйм» авиашоу репетициясе дәвам итә. Анда МиГ-29 истребительләрендә чыгыш ясаучы «Стрижи» пилотаж төркеме катнаша.
Фотосурәтләр һәм видеоларны МАКС мессенджерында ТР Рәисе матбугат хезмәте җитәкчесе Лилия Галимова күрсәтте.
«Мин күкне сайлыйм» авиация бәйрәме «Казан» гаилә үзәге территориясендә шимбә көнне, 1 августта узачак. Ул авиацияне популярлаштыруга, яшьләрне тармакка җәлеп итүгә һәм инженер-техник һөнәрләргә кызыксынуны арттыруга багышланачак.
Видео: «Татар-информ»,Салават Камалетдинов
Фото: Лилия Галимованың Макс каналы.