news_header_top
Руc Тат
16+
news_header_bot
news_top
Мәдәният 23 август 2023 10:58

Казанда «Милли кием» фестивале була

Скопировать ссылку

Кабан күле буенда 30 августта «Милли кием» чарасы узачак, анда теләгән һәркем үз халкының милли костюмында килә ала. Бу турыда Казан мэриясе хәбәр итте.

Фестиваль 12:00 сәгатьтән 21:00 сәгатькә кадәр була. Бу вакытта Мәрҗани урамы җәяүлеләр өчен генә ачык.

Программада милли айдентика белән эшләүче дизайнерлар һәм брендлар маркеты; милли аксессуарлар ясау мастер-класслары; милли киемнәрне киеп мода күрсәтү; ТР Филармония джаз оркестры чыгышы; костюмнар һәм аксессуарларга багышланган экскурсияләр каралган,.

Чара режиссер Айдар Җәббаровның «Тукай Казанга кайтты...» авторлык спектакле белән тәмамланачак.

Шулай ук танылган татар эшлеклеләре образларына багышланган «Кием галәме» күргәзмәсе дә ачылачак. Ул Камал театрыннан төшү юлында була, диелә хәбәрдә.

news_right_1
news_right_2
news_bot