Казанда метроның икенче линиясен төзү буенча фикер алышу була
Җәмәгать фикер алышулары 23 майдан 27 июньгә кадәр планлаштырылган.
(Казан, 23 май, «Татар-информ»). Казанда 23 майдан 27 июньгә кадәр «Казан шәһәре метрополитенының икенче линиясенең беренче участогы объектын планлаштыру һәм межалау проекты буенча иҗтимагый фикер алышулар узачак, Бу хакта Казан мэриясенең документлар җыентыгында хәбәр ителә.
Әлеге участокка «Юлиус Фучик урамы» метро станциясеннән «Академик Сахаров урамы» метро станциясенә кадәр»ге ара керә.
Метрополитенның икенче линиясенең беренче участогы 5 743 метр озынлыкта төзү планлаштырыла. Участокта өч вагон тоннеле, дүрт станция, шулай ук тонельлы корылмалар төзү каралган.
«Юлиус Фучик урамы» метро станциясеннән «10нчы микрорайон» станциясенә кадәр ераклык 930 метр тәшкил итәчәк. «10нчы микрорайон» станциясеннән «ТАССРның 100 еллыгы» станциясенә кадәр-820 метр, «ТАССРның 100 еллыгы» станциясеннән «Академик Сахаров урамы» станциясенә кадәр -2130 метр, диелә җыентыкта.
Иҗтимагый фикер алышу нәтиҗәләре 27 июньдә электрон документлар җыентыгында басылып чыгачак.