Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда метро станцияләре янында гриппка каршы түләүсез прививка ясатып булачак
Вакцинация пунктлары “Авиатөзелеш”, “Яшьлек”, “Кәҗә бистәсе”, “Җиңү проспекты” һәм “Имәнлек” метро станцияләре янында һәр көнне эшлиячәк.
(Казан, 4 сентябрь, “Татар-информ”). Казанда метро станцияләре янында ай дәвамында - 6 сентябрьдән 5 октябрьгә кадәр гриппка каршы түләүсез вакцинация пунктлары эшләячәк. Бу хакта Татарстан Сәламәтлек саклау министрлыгы матбугат хезмәте хәбәр итә.
Түләүсез вакцинацияне “Авиатөзелеш”, “Яшьлек”, “Кәҗә бистәсе”, “Җиңү проспекты” һәм “Имәнлек” метро станцияләре янында һәр көнне 10.00-17.00 сәгатьләрдә ясатып булачак.
Прививка ясау мобиль бригадаларының метро станцияләренә чыгуы Казанда беренче тапкыр 2017 елда оештырылды. Ул чакта 12 меңләп кешегә прививка ясалды.
Өлкәннәргә вакцинация уздыру өчен, бүгенге көндә дәүләт медицина учреждениеләренә безнең илдә эшләнгән 35 мең “Совигрипп” вакцинасы кайтарылды. Якын арада балалар өчен вакцина кайтуы көтелә.
Вакцинацияне метро станцияләрендә генә түгел, мәҗбүри иминият полисы беркетелгән медицина оешмаларында алдан язылмыйча ясатырга була.
Кызыклы яңалыкларны күзәтеп бару өчен Телеграм-каналга язылыгыз