Казанда «Метро» кибете янында азык-төлек төялгән йөк автомобиле янган
Шаһитлар кибет янында машинадан күтәрелгән куе кара төтенне видеога төшереп алган.
Скопировать ссылку
(Казан, 14 декабрь, «Татар-информ», Павел Климчак). Казанда «Метро» кибете янында азык-төлек төялгән йөк автомобиле янган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген иртәнге сигездә 101 янгын сагы номерына Вахитов урамында урнашкан «Метро» кибете артында янгын чыгуы хакында хәбәр килгән. Биредә азык-төлек төялгән йөк автомобиленә ут капкан. Янгынның мәйданы 30 квадрат метр тәшкил иткән.
Шаһитлар кибет янында машинадан күтәрелгән куе кара төтенне видеога төшереп алган.
Берничә минуттан соң янгынны сүндергәннәр, беркем дә зыян күрмәгән.