Спорт 27 июнь 2018 13:23

Казанда Месси яшәячәк кунакханә тәрәзәсеннән Роналду төшерелгән граффити күренеп тора

Аргентина җыелмасы Татарстан башкаласында “Рамада” кунакханәсендә яшиячәк.

Скопировать ссылку

(Казан, 27 июнь, “Татар-информ”). Казанда футбол буенча Аргентина җыелмасы “Рамада” кунакханәсендә яшиячәк. Бу хакта Sports.ru порталы хәбәр итә.

30 июньдә Дөнья чемпионаты финалының 1/8 матчында Франция-Аргентина матчы була.

"Рамада” кунакханәсенең тәрәзәләренән Криштиану Роналду төшерелгән граффити күренеп тора.

Казанда кунак командалар яшәү өчен лицензияле ике кунакханә - “Мираж” һәм “Рамада” бар. Татарстан башкаласында Австралия командасы белән уйнаган Франция җыелмасы кабат “Мираж” кунакханәсенә бронь ясаган.

Шулай итеп, Лионель Месси һәм аның командасына португалияле граффитиена карап торган кунакханәдә яшәргә туры киләчәк.

Криштиану Роналду сурәтләнгән граффити Казанда 2017 елда Конфедерацияләр Кубогы алдыннан барлыкка килде.

#Футбол буенча дөнья чемпионаты

Сәхифәләр

Казанда Месси яшәячәк кунакханә тәрәзәсеннән Роналду төшерелгән граффити күренеп тора