Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казанда махсус хәрби операция ветераннарын эшкуарлык нигезләренә өйрәтә башладылар
Бүген Казанда «Бердәм Россия»нең республикадагы иҗтимагый ярдәм штабы мәйданчыгында «Үз бизнесым» федераль проекты старт алды. ТР Дәүләт Советы Рәисе урынбасары Юрий Камалтынов билгеләп үткәнчә, сугыш хәрәкәтләре зонасыннан кайтучылар көннән-көн арта, һәм хәзер адаптация мәсьәләләре бик тә мөһим.
«Бүген демобилизацияләнгән хәрбиләрне адаптацияләү мәсьәләсе дәүләт учреждениеләренә дә, иҗтимагый оешмаларга да кагыла. Сездә нәрсә кызыклы булу ихтималын дәүләт билгеләргә мөмкинлек бирә», – дип мөрәҗәгать итте ул җыелган кешеләргә.
Камалтынов шулай ук барлык катнашучыларга идеяләренең уңышлы тормышка ашырылуын, һәркайсына сәламәтлек һәм уңышлар теләде.
ТР Дәүләт Советы депутаты Рәсим Баксиков, үз чиратында, махсус хәрби операция ветераннарын яңалыкка омтылганнары һәм мөмкин кадәр күбрәк белем алырга теләгәннәре өчен мактады.
«Мөмкин кадәр күбрәк белем алырга, дуслар табарга һәм элемтәләр булдырырга омтылыгыз», – дигән теләкләрен җиткерде ул.
Шунысын да билгеләп үтәргә кирәк, Татарстан программа гамәлгә ашырыла башлаган дүрт сынау төбәгенең берсе булды. Безнең республикадан тыш, Дагыстанда, шулай ук Рязань һәм Липецк өлкәләрендә дә махсус операциядә катнашучыларны эшкуарлык күнекмәләренә өйрәтәләр.
«Үз бизнесым» проекты махсус хәрби операция ветераннарына һәм аларның гаиләләренә эшкуарлык күнекмәләрен үзләштерүдә ярдәм итүгә юнәлдерелгән. Программа кысаларында анда катнашучылар бизнесны башлап җибәрү өчен гамәли күнекмәләр, профильле белгечләр һәм остазлардан консультацияләр ала.
Кызыклы яңалыкларны күзәтеп бару өчен Телеграм-каналга язылыгыз