news_header_top
16+
news_header_bot
news_top

Казанда машина эчендә бикләнеп калган баланы коткарганнар

Казан Дәүләт автоинспекциясе хезмәткәрләре машина эчендә бикләнеп калган баланы коткарган.

Шәһәр дәүләт автоинспекциясендә хәбәр итүләренчә, 25 майда иртәнге 9:20 сәгатьтә патрульдә булган Юл-патруль хезмәте экипажына Аккош күле янында чит ил маркалы машина салонында бер яшьлек бала бикләнеп калу турында хәбәр килгән. Инспекторлар шундук урынга килеп җиткән. Ачыкланганча, сабыйның әнисе баланың арбасын чыгару өчен машинадан төшкән, шул вакытта көчле җил искән һәм машина ишеге ябылган, хатын-кызның ачкычлары һәм кесә телефоны кечкенә бала белән бергә салон эчендә калган.

Бикле машинада калу баланың сәламәтлеге өчен куркыныч булу сәбәпле, инспекторлар машинаны ватып ачарга карар кылган. Ишекне ачканнан соң, баланы әнисенә тапшырганнар.

news_right_1
news_right_2
news_bot