Казанда Мәсгут Имашев белән хушлашу мәрасиме бара
Скопировать ссылку
Әлеге мизгелләрдә Казанда Татарстан Республикасы Театр эшлеклеләре берлегендә Россиянең атказанган мәдәният хезмәткәре, ТАССРның атказанган сәнгать эшлеклесе Мәсгут Имашев белән хушлашу мәрасиме бара. Бирегә татар җәмәгатьчелеге, театр әһелләре һәм композиторның якыннары җыелган.
«Бүген татар мәдәнияте зур югалту кичерә. Арабыздан барыбыз да сокланган, үрнәк итеп куйган Мәсгут абыебыз китеп барды. Ул гаҗәеп кеше иде, урыны оҗмахта булсын», – дип билгеләп үтте мәрасимне алып баручы, Татарстанның халык артисты Илдар Хәйруллин.
Мәсгут Имашев туган авылы – Барда районы Каенавыл авылында җирләнәчәк.