Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Максимов урамындагы күпкатлы йортларның берсендә газ шартлаган
Бу хакта хәбәр бүген төнлә килде, дип хәбәр иттеләр Россия Гадәттән тыш хәлләр министрлыгының Татарстан буенча баш идарәсендә.
Урынга килгәч, янгын сүндерүчеләр бишенче каттагы ике бүлмәле фатирның кухнясында газ-һава катнашмасы шартлавын, челтәргә ут кабуын ачыклый. Янгынны белгечләр килгәнче сүндергәннәр.
«Нәтиҗәдә, бүлмәләр арасындагы ишек һәм коридор стенасы, кухнядагы пластик тәрәзәнең пыяла пакеты зарарланган», — дип билгеләп үттеләр ведомствода.
Беренчел мәгълүматларга караганда, янгынның сәбәбе газ җиһазларын эксплуатацияләү кагыйдәләрен бозу булган.
«Татар-информ»га Татарстан прокурорының өлкән ярдәмчесе Руслан Галиев хәбәр иткәнчә, күзәтчелек ведомствосы тикшерү оештырган.
«Профильле белгечләр белән берлектә ведомство йорт эчендә газ җиһазларын эксплуатацияләү һәм куллануда куркынычсызлык таләпләренең үтәлешен тикшерәчәк. Күзәтчелек чараларын оештыру Казанның Авиатөзелеш районы прокурорына йөкләнгән», — дип билгеләп үттеләр прокуратурада.
Кызыклы яңалыкларны күзәтеп бару өчен Телеграм-каналга язылыгыз