Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда “Мөселман хатын-кыз. Хәзерге заманда кеше хокуклары” конференциясе узачак
Аның максаты − мөселман хатын-кызлары хокукларына кагылышлы халыкара документларны һәм сорауларны уртага салып сөйләшү
(Казан, 15 октябрь, “Татар-информ”, Алсу Гатауллина). 16-17 октябрь көннәрендә Казанда “Мөселман хатын-кыз. Хәзерге заманда кеше хокуклары” конференциясе узачак.
“Татар-информ” МА хәбәрчесенә Татарстан Мөслимәләр берлеге җитәкчесе Наилә Җиһаншина хәбәр иткәнчә, бу конференцияне үткәрүне РФдә БМО системасы каршындагы кеше хокуклары буенча өлкән киңәшче Ришард Коменда тәкъдим иткән. Ул хатын-кызларны дискриминацияләүнең барлык формаларын да юк итү турында БМО тарафыннан Конвенция кабул ителүгә 35 ел тулуга багышлана, һәм анда мөселман хатын-кызларының хокуклары хакында сүз барачак.
Бу тәкъдимне ТР Президенты Рөстәм Миңнеханов та хуплаган.
Наилә Җиһаншина сүзләренчә, конференциянең максаты − мөселман хатын-кызлары хокукларына кагылышлы халыкара документларны һәм сорауларны уртага салып сөйләшү.
Конференцияне ТРда кеше хокуклары буенча вәкаләтле вәкил Сәрия Сабурская оештыра. Анда, шулай ук, депутатлар, министрлыклар вәкилләре, хатын-кыз иҗтимагый оешмалары делегатлары һ.б. катнашуы көтелә.
Кызыклы яңалыкларны күзәтеп бару өчен Телеграм-каналга язылыгыз