Икътисад 23 декабрь 2009 10:56

Казанда һәм Петербургта тизйөрешле трамвайлар барлыкка киләчәк

Игорь Левитин сүз тизлеген сәгатенә 100 километрга җиткерүче яңа төр транспорт хакында бара, диде

Скопировать ссылку

(Санкт-Петербург, 23 декабрь, “Татар-информ”, Зәрия Хәсәнова). Илдә тәүге тизйөрешле трамвайлар Казанда һәм Петербургта ике елдан барлыкка киләчәк. Бу хакта журналистларга РФ транспорт министры Игорь Левитин Русия- Италия кысаларында Санкт-Петербург һәм «Финмекканика” концерны арасында төзелгән Меморандумга аңлатма биргәндә әйтте.
«Әгәр без бу заказны кабул итсәк, бу завод (Русиядә тизйөрешле трамвайлар эшләп чыгаручы) 2010-2011 елларда сафка басачак. Андый карарга килгәндә, беренче трамвайларны, арытаба үзебездә эшләү өчен, сатып алачакбыз”, дип белдерде. Ул италиялеләр трамвайларны хезмәтләндерүне үз өстенә алачакларын да әйтте.
Игорь Левитин сүз тизлеген сәгатенә 100 километрга җиткерүче яңа төр транспорт хакында бара, диде. Ул, әлбәттә, метро төзелешеннән күпкә очсызрак. Мондый трамвайлар шәһәрләрнең яңа районнарында йөриячәк. Без күз алдында Санкт-Петербург һәм Казанны тотабыз, дип белдерде министр.

Сәхифәләр

Казанда һәм Петербургта тизйөрешле трамвайлар барлыкка киләчәк