Казанда мәктәптән өенә кайтмаган 10 яшьлек малайны эзлиләр
Мәгълүмат «Лиза Алерт» эзләү төркеме сайтында барлыкка килде.
Скопировать ссылку
(Казан, 14 гыйнвар, «Татар-информ»). Республика башкаласында кичә мәктәптән өенә кайтмаган ун яшьлек Владислав Хәсәновны эзлиләр. Бу хакта мәгълүмат «Лиза Алерт» эзләү төркеме сайтында барлыкка килде.
Малайның буе якынча 140-145 см, чәче сары, күзләре зәңгәр. Өстенә кара куртка, кара чалбар, кара ботинкалар һәм зәңгәр бүрек кигән. Үзе белән туп сурәте төшерелгән рюкзагы бар.
Агентлык чыганагы мәгълүматлары буенча, моңа кадәр малай инде берничә тапкыр югалган булган.
