Фән һәм мәгариф 7 декабрь 2009 14:37

Казанда “Лингвистик атлас: модельләр һәм технологияләр” дигән мәктәп-семинары уза

TEL’2009 программасы лекцияләр, дискуссияләр, докладлар белән чыгуны, шулай ук программа системаларын күрсәтүне күз алдында тота

Скопировать ссылку

(Казан, 7 декабрь, “Татар-информ”). Казанда 10-12 декабрь көннәрендә “Лингвистик атлас: модельләр һәм технологияләр” дигән TEL’2009 XI Казан мәктәп-семинары уза. Җыенны ТР Фәннәр академиясе, академиянең Гамәли семиотика институты, Казан дәүләт университеты, Россия Ясалма Интеллект Ассоциациясе, Россия Компьютер лингвистикасы һәм интеллектуаль технологияләр ассоциациясе, “Сәләт” татар яшьләре иҗтимагый фонды оештыра.

ТР Фәннәр академиясенең рәсми сайт хәбәрләренә караганда, әлеге чара табигый телне компьютер ярдәмендә һәм когнитив модельләштерү өлкәсендә эшләгән, КДУда кибернетика үсешенә зур өлеш керткән профессор Р.Бохараев истәлегенә багышлана.

Семинар вакытында лингвистик атлас, лингвистик мәгълүмат базасы, сүзлекләр, онтологияләр, милли телләр модельләре, когнитив модельләштерү, сөйләм анализы һәм синтезы һәм башка мәсьәләләргә багышланган темалар күтәрелә.

TEL’2009 программасы лекцияләр, дискуссияләр, докладлар белән чыгуны, шулай ук программа системаларын күрсәтүне күз алдында тота.

Сәхифәләр

Казанда “Лингвистик атлас: модельләр һәм технологияләр” дигән мәктәп-семинары уза