Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Ленинның әнисе ягыннан туганнары белән очрашу узачак
Ардашевлар – Ленин турында истәлекләрне саклауда зур роль уйнаган нәсел.
(Казан, 17 август, «Татар-информ»). 20 августта Казандагы В.И.Ленин музей-йортында Ленинның туганнары белән очрашу булачак. Бу тарихи шәхеснең әнисенең апасы – Любовь Александровна Ардашева-Пономарева ягыннан туганнары киләчәк, дип хәбәр итә ТР Мәдәният министрлыгы матбугат хезмәте.
Ардашевлар Ленинга кагылышлы истәлекләрне саклауда зур роль уйнаган. Алар Казанда яшәгән, башкалада В.И.Ульянов-Ленин музей-йортын һәм Питрәч районындагы Кокушкино авылында музей оештыруда катнашкан. Бу гаилә ярдәме белән музейларның коллекциясе тулыландырылган.
20 августта булачак очрашуга музейчылар һәм киң җәмәгатьчелек вәкилләре чакырылган. Дәрәҗәле кунаклар арасында Ленинның туганнары – Басова Ирина Михайловна, Карчевская Наталья Николаевна, Карчевский Дмитрий Константинович булачак.
Программада – музей бакчасында Истәлек аллеясына таш салу, төрле елларда Ардашевлар гаиләсе вәкилләре бүләк иткән мемориаль әйберләрдән күргәзмә, Л.Н.Толстой йортындагы кайбер экспонатларны бүләк итү каралган.
Кызыклы яңалыкларны күзәтеп бару өчен Телеграм-каналга язылыгыз