Спорт 29 ноябрь 2013 11:45

Казанда ластларда йөзү буенча республикакүләм ярышлар узачак

Бу юлы ярышларда катнашучылар 50 метрдан алып 400 метрга кадәр дистанциядә классик йөзү һәм ластларда йөзү буенча ярышларда медальләр өчен көч сынашачак

Скопировать ссылку

(Казан, 29 ноябрь, “Татар-информ”). Бүген Казанда “Ак Барс” яшьләр үзәге бассейнында ластларда йөзү буенча Татарстан Республикасы чемпионаты һәм беренчелек ярышлары старт ала. Ул ике көн дәвам итәчәк.
Ластларда йөзү – су асты спорты дисциплиналары төркеме. Спортчының бурычы бернинди дә механизм кулланмыйча мускул көче ярдәмендә су өстендә һәм астында билгеле бер дистанцияне йөзеп чыгудан гыйбарәт. Ярышларның максаты – төрле озынлыктагы дистанцияләрне кыска вакыт эчендә узу.
Бу юлы ярышларда катнашучылар 50 метрдан алып 400 метрга кадәр дистанциядә классик йөзү һәм ластларда йөзү буенча ярышларда медальләр өчен көч сынашачак.
Ярышларның тантаналы ачылышы “Ак Барс” яшьләр үзәге бассейнында 14 сәгать 45 минутта башланачак, аннан соң спортчылар беренче стартларга әзерләнә башлаячак, дип хәбәр итә ТР Су асты спорты федерациясенең матбугат хезмәте.

Сәхифәләр

Казанда ластларда йөзү буенча республикакүләм ярышлар узачак