Казанда Кыш бабай почтасы ачылды
29 декабрьгә кадәр казанлылар, махсус әрҗәгә салып, Кыш бабай резиденциясенә хат җибәрә алачак.
Скопировать ссылку
(Казан, 1 декабрь, «Татар-информ»). Казанның Россия Почтасы бүлегендә (Кремль урамы, 8) Кыш бабай почтасы эшли башлады, дип хәбәр итә «Татарстан почтасы»ның матбугат хезмәте.
29 декабрьгә кадәр казанлылар, махсус әрҗәгә салып, Кыш бабай резиденциясенә хат җибәрә алачак. Илнең төп тылсымчысыннан җавап алу өчен, үз адресыңны (индекс булуы мәҗбүри) һәм хатны алучы адресын дөрес күрсәтергә кирәк.
Кыш бабайга хатны түбәндәге адреска җибәрү сорала: 162340, Россия, Вологда өлкәсе, Бөек Устюг шәһәре, Кыш бабай почтасы. Конвертка марка ябыштырырга онытмагыз.