Казанда кырык пассажир утырган автобуска ут капкан
Урынга килгән янгын сүндерүчеләр двигатель бүлеге януын ачыклаган.
Скопировать ссылку
(Казан, 12 апрель, "Татар-информ"). Казанның Ямашев проспектында пассажир автобусына ут капкан. Салонда 40 пассажир һәм машина йөртүче булган. Бу турыда "Татар-информ"га Гадәттән тыш хәлләр министрлыгында хәбәр иттеләр.
"Ямашев урамындагы 54 нче йорт каршында пассажир автобусына ут кабу турында хәбәр бүген 14.57 сәгатьтә 112 бердәм номерына килде", - диделәр ведомствода.
Янгын чыккан автобус салоныннан пассажирлар үзләре чыккан. Имгәнүчеләр юк. Урынга килгән янгын сүндерүчеләр двигатель бүлеге януын ачыклаган. Утны тиз арада сүндергәннәр. Янгын мәйданы 10 кв. м. тәшкил иткән.
