Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда кулъязма Коръәннең бер җүзе язылып бетте
Әлеге эшне башкарып чыгу өчен каллиграфның 70 көн вакыты китте.
(Казан, 22 март, «Татар-информ»). Татарстан мөфтиятенең кулъязма Коръән язу буенча проектының беренче этабы тәмамланды. Каллиграф мүсхәфнең бер җүзен, ягъни Коръән текстының 1/30 өлешен язды.
ТР Диния нәзарәте матбугат хезмәте хәбәр итүенчә, әлеге эшне башкарып чыгу өчен каллиграфның 70 көн вакыты китте. Иң беренче булып Коръәннең соңгы 30нчы җүзе язылды. Шулай итеп, яңа мүсхәф өчен 20 бит әзер дигән сүз.
Каллиграф Артур Писаренко сүзләренчә, Коръәннең соңгы өлеше башка җүзләрне язудан иң авыры санала. Чөнки соңгы җүз үз эченә, башка җүзләр белән чагыштырганда иң күп һәм иң кыска сүрәләрне һәм аятьләрне ала.
Алга таба каллиграф алдында Коръәннең беренче җүзен, ягъни беренче «Фатиха» сүрәсеннән башлап икенче «Бәкара» сүрәсенең 241 аятенә кадәр язу максаты тора.
Исегезгә төшерәбез, Россия мөфтиләренең хәер-фатихасы белән Коръәннең кулъязма мүсхәфен язуга керешү тантанасы 12нче гыйнвар көнне Казанның «Кол Шәриф» мәчетендә үткәрелгән иде. Коръәннең кулъязма мүсхәфен әзерләү эшен башкарып чыгу өчен Татарстан мөфтие Камил хәзрәт Сәмигуллин 12 белгечтән торган үз җитәкчелегендәге экспертлар комиссиясен туплады.
Кызыклы яңалыкларны күзәтеп бару өчен Телеграм-каналга язылыгыз