Казанда Красноярск краеннан килгән автоледи «БМВ» белән бәрелешкән
Авария бүген иртәнге җиделәр тирәсендә Чернышевский һәм Профсоюз урамнары чатында булган.
(Казан, 10 март, «Татар-информ», Полина Шевчук). Казанда Красноярск краеннан килгән автоледи «БМВ» белән бәрелешкән. Бу хакта «Татар-информ» агентлыгына шәһәр Дәүләт автоинспекциясеннән хәбәр иттеләр.
Авария бүген иртәнге җиделәр тирәсендә Чернышевский һәм Профсоюз урамнары чатында булган.
«Башлангыч мәгълүматларга караганда, 10нчы модельле «Лада» автомобилен идарә итүче 36 яшьлек хатын-кыз, «БМВ»га юл бирергә тиеш булса да, чатны беренче булып үтәргә ниятләгән», - дип искәрттеләр ЮХИДИ идарәсендә.
Төрле тән җәрәхәтләре алган автоледины хастаханәгә озатканнар. «БМВ» автомобиленең 49 яшьлек йөртүчесе зыян күрмәгән.