Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Корбан бәйрәмендә шәһәр транспортының иртәнге рейслары оештырылачак
Шәһәр халкына транспорт хезмәте ял көннәрендә расланган хәрәкәт интервалына нигезләнеп күрсәтеләчәк.
(Казан, 28 август, «Татар-информ»). Корбан бәйрәме көнендә, ягъни 1 сентябрьдә, Казан мәчетләре маршруты буенча җәмәгать транспорты 03.30 сәгатьтә йөри башлый. Бу хакта мэриядә эшлекле дүшәмбе киңәшмәсендә шәһәр Башкарма комитетының телләрне үстерү һәм иҗтимагый оешмалар белән элемтә бүлеге җитәкчесе Илнур Шакиров хәбәр итте.
Иртән корбан чалу урыннарына 1, 2, 5, 6, 10, 10а, 15, 23, 29, 30, 31, 35, 35а, 37, 47, 53, 54, 56, 63, 68, 74, 74а, 75, 91 нче автобусларда һәм 1, 2, 12 нче номерлы троллейбусларда барырга мөмкин. Шәһәр халкына транспорт хезмәте ял көннәрендә расланган хәрәкәт интервалына нигезләнеп күрсәтеләчәк.
Илнур Шакиров билгеләп үткәнчә, Казан мәчетләрендә бәйрәм вәгазе 04.30 сәгатьтә башлана. Өч көн дәвамында, ягъни 1-3 сентябрьдә, 20 махсус билгеләнгән урында корбан чалырга мөмкин. “Шәһәр хезмәтләре корбан сату һәм чалу буенча санкцияләнмәгән урыннар булдырмау буенча эш оештырачак”, – диде докладчы.
Кызыклы яңалыкларны күзәтеп бару өчен Телеграм-каналга язылыгыз