news_header_top_970_100
news_header_bot_970_100

Казанда Корбан бәйрәме комплексы булачак

Әлеге комплекс үз эченә корбанлыкларны тоту, аларны чалу, итне эшкәртеп саклау һәм халыкка сату урыннарын, шулай ук автотранспорт кую өчен зур мәйданнарны алачак

(Казан, 26 октябрь, “Татар-информ”). Казанда Корбан бәйрәме комплексы булачак. Ул башкаланың Бертуган Петряевлар урамындагы 10280 квадрат метрлы җир участогын биләп тора. Әлеге җир участогы “Вакф” мөселман дини оешмасына бирелгән. Анда барлык мөселманнар өчен изге булган Корбан бәйрәмендә корбан чалу комплексы урнашачак.

Әлеге комплекс үз эченә корбанлыкларны тоту, аларны чалу, итне эшкәртеп саклау һәм халыкка сату урыннарын, шулай ук автотранспорт кую өчен зур мәйданнарны алачак. www. tarhan.biz хәбәр иткәнчә, Корбан бәйрәме комплексы республиканың күп районнары белән эшләячәк.

Быел ук әлеге җир участогында корбан чалуны оештырырга уйлыйлар. Корбанлыкларга 250-50-24 телефоны буенча заказ бирергә була. Корбанлыклар 3500-4500 сум, ә эре мөгезле терлек 35 мең сумнан артык тора.

news_right_column_1_240_400
news_right_column_2_240_400
news_bot_970_100