Җәмгыять 24 октябрь 2018 13:17

Казанда “Контракт буенча хәрби хезмәт – синең сайлау!” чарасында Натан чыгыш ясаячак

“Казан” гаилә үзәге мәйданында кул көрәше буенча мастер-класс оештырыла, корал экспозициясе һәм электрон тир тәкъдим ителә.

Скопировать ссылку

(Казан, 24 октябрь, “Татар-информ”). Казанда шимбә, 27 октябрьдә, 10:00 - 16:00 сәгатьләрдә “Контракт буенча хәрби хезмәт – синең сайлау!” агитация акциясе уза. Биредә популяр башкаручы Натан концерты көтелә. Бу хакта Үзәк хәрби округы матбугат хезмәте хәбәр итә.

“Казан” гаилә үзәге мәйданында “Миг-29” самолетларында “Стрижи” авиация төркеме чыгышлары, дүрт парашютчының десант төшүе күрсәтелә. Шулай ук кыр кухнясы эшләячәк.

Чара кысаларында кандидатлар контракт буенча хәрби хезмәткә күзәтү үтә ала.

Чарада Россия оборона министры урынбасары, генерал-полковник Александр Фомин, Татарстан Премьер-министры Алексей Песошин, Үзәк хәрби округы гаскәрләре белән командалык вазифасын вакытлыча башкаручы, генерал-лейтенант Евгений Устинов катнаша.

Акциядә барлык чаралар түләүсез була.

#армия #хәрби хезмәт

Сәхифәләр

Казанда “Контракт буенча хәрби хезмәт – синең сайлау!” чарасында Натан чыгыш ясаячак