Хәвеф-хәтәр 10 сентябрь 2018 18:48

Казанда кофеханәдә әйберләрне җимергән ир-атны хөкем иттеләр

Җәнҗал чыгаручы кеше бина хуҗасына 900 мең сумнан артык зыян китергән.

Скопировать ссылку

(Казан, 10 сентябрь, «Татар-информ»). Казанда яшәүче 27 яшьлек ир-ат кофеханәдә әйберләрне җимергән өчен шартлы рәвештә 1,6 елга хөкем ителгән. Бу турыда «Татар-информ»га Татарстан прокуроры ярдәмчесе вазифаларын башкаручы Екатерина Гудкова хәбәр итте.

Суд ачыклаганча, 2018 елның 6 гыйнварында иртән-иртүк 27 яшьлек исерек ир-ат Ямашев проспектындагы кофеханә ишеген ваткан. Аннары ул бина эченә кереп, кул астына эләккән бөтен әйберне җимерә башлаган. Шулай итеп, бина хуҗасына 900 мең сумнан артык зыян китергән.

Ир-атны тоткарлаганнар. Суд Казан кешесен гаепле дип тапкан. Аны 1 ел да 5 айга кадәр сынау срогы билгеләп, шартлы рәвештә 1,6 елга ирегеннән мәхрүм иткәннәр.

#җинаять

Сәхифәләр

Казанда кофеханәдә әйберләрне җимергән ир-атны хөкем иттеләр