Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда клиентларны 138 млн сумга алдаган автосалон консультантын хөкем итәләр
Компаниядә автомобиль сатучы булып эшләгән ир-ат клиентлардан «трейд-ин» программасы буенча машиналар кабул иткән, әмма акчаларны үзенә алган.
(Казан, 7 февраль, «Татар-информ»). Казанда клиентларны 138 млн сумга алдаган автосалон консультанты Руслан Галиевны хөкем итәләр. Бу хакта ТР прокурорының өлкән ярдәмчесе Руслан Галиев хәбәр итте.
Тикшерү ачыклаганча, 2014 елдан 2019 елга кадәр бу ир-ат иптәшеннән 1 млн сум акча урлаган, ул аны төзелеш материаллары сату белән бәйле бизнес оештырырга күндергән.
Моннан тыш, автомобиль сату компаниясендә сатучы-консультант булып эшләгәндә, ул «трейд-ин» программасы буенча клиентлардан машина кабул иткән. Сатудан кергән акчаны ул клиентларга бирмәгән, ә үзендә калдырган.
Нәтиҗәдә 69 автомобиль хуҗасына 138 миллион сумнан артык зыян килгән.
30 яшьлек Казан егетенә карата аеруча зур күләмдә караклык статьясы буенча җинаять эше кузгатылган. Җинаять эше Казанның Идел буе район судына тапшырылган.
Кызыклы яңалыкларны күзәтеп бару өчен Телеграм-каналга язылыгыз