Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда «Китап-фест»: мастер-класслар, язучылар белән очрашулар һәм әдәби квест
Фестиваль кысаларында «Фән турында кызыклы» фәнни-популяр әдәбият һәм тел белеме буенча «Сүзләр дөньясында» күргәзмәсе узачак.
(Казан, 28 май, «Татар-информ»). 6 июнь көнне Казанның Лядской бакчасында «Китап-фест» дигән китап фестивале узачак. Программада — мастер-класслар, язучылар белән очрашулар, әдәби квест.
Шәһәрлеләргә һәм шәһәр кунакларына Россиядә Фән һәм технологияләр елына һәм Татарстан Республикасында Туган телләр һәм халыклар бердәмлеге елына багышланган төрле мәдәни-агарту программасы тәкъдим ителәчәк.
Китап фестивален ачу тантанасында Казан шагыйрьләре һәм музыкантлары чыгыш ясаячак. Әдәби бәйрәмнең төп программасын язучылар, нәширләр, галимнәр белән иҗади очрашулар тәшкил итәчәк.
Фестиваль кысаларында «Фән турында кызыклы» фәнни-популяр әдәбият һәм тел белеме буенча «Сүзләр дөньясында» күргәзмәсе узачак, дип хәбәр итә Мәдәният идарәсе.
Чараның башлану вакыты турында датага якынрак хәбәр ителәчәк.
Балалар өчен викториналар, мастер-класслар, әдәби квестлар һәм мавыктыргыч фәнни тәҗрибәләр белән интерактив программа планлаштырылган. Шулай ук Лядской бакчасына килүчеләр фестивальнең партнерларыннан — нәшриятлардан яңа китаплар сатып ала алачаклар.
Кызыклы яңалыкларны күзәтеп бару өчен Телеграм-каналга язылыгыз