news_header_top_970_100
news_header_bot_970_100

Казанда кеше сәламәтлеге мәсьәләләре каралачак

3 апрельдә Казанда “XXI гасырда кеше сәламәтлеге” темасына Икенче Бөтенроссия фәнни-гамәли конференциясе узачак

(Казан, 20 гыйнвар, “Татар-информ”). Агымдагы елның 3 апрелендә Казанда “XXI гасырда кеше сәламәтлеге” темасына Икенче Бөтенроссия фәнни-гамәли конференциясе узар дип көтелә.
Казан дәүләт медицина университетының мәгълүмат бүлегеннән алган хәбәргә караганда, форумда өлкәннәрнең һәм балаларның туклану үзенчәлекләре; йөрәк-кан тамырлары авыруларын кисәтү; теш авыруларын булдырмау, диагноз кую һәм дәвалауда инновацион технологияләр; тернәкләндерү медицинасы, физик культура һәм спортның медицина-биология өлкәсендә тәэмин ителеше; экология һәм кеше сәламәтлеге кебек көнүзәк мәсьәләләр каралачак. Конференцияне оештыручылар – Казан дәүләт медицина университеты, ТР Сәламәтлек саклау министрлыгы һәм ТР Фәннәр академиясе.

autoscroll_news_right_240_400_2
news_bot_970_100