Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда кассир “Сбербанк”тан 220 мең сум акча урлаган
Дүрт ай дәвамында банк бүлегендә эшләүче хатын-кыз банкомат кассеталарындагы купюраларны алып барган.
(Казан, 26 сентябрь, "Татар-информ"). Казанда кассир үзе эшләгән банктан 220 мең сум акча урлаган. Акчаларны ул банкомат кассеталарыннан алып барган. Бу хакта Казан буенча Эчке эшләр министрлыгы идарәсенең матбугат хезмәте хәбәр итә.
“Татар-информ”га шәхси чыганакларыннан билгеле булганча, бу хәл “Сбербанк”ның Чуйков урамындагы бүлекчәсендә булган.
Банкның куркынычсызлык хезмәткәрләре полициягә мөрәҗәгать иткән. Алар ревизия вакытында зур суммада акча җитмәүне ачыклануы турында сөйләгәннәр.
Әлеге факт буенча “Урлау” маддәсе нигезендә җинаять эше ачылган.
Тикшерү барышында хокук сакчылары урлауга банктагы бер кассирның катнашы барлыгын ачыклаганнар. Апрель аеннан июль аена кадәр 28 яшьлек хатын-кыз банкомат кассеталарыннан купюралар урлаган.
Хатын үз гаебен тулысынча таныган.
Кызыклы яңалыкларны күзәтеп бару өчен Телеграм-каналга язылыгыз