Казанда күпкатлы 13 йортка җылы һаман да бирелмәгән
Бу әлеге йортлардагы капиталь ремонт һәм озакка сузылган әзерлек эшләре белән бәйле.
Скопировать ссылку
(Казан, 8 октябрь, «Татар-информ», Екатерина Фадеева). Казанда күпкатлы 13 йортка җылы һаман да бирелмәгән. Казан Башкарма комитеты җитәкчесенең торак-коммуналь хуҗалык мәсьәләләре буенча урынбасары Искәндәр Гыйниятуллин мэриядә узган эшлекле дүшәмбе киңәшмәсендә шул хакта хәбәр итте.
Бу әлеге йортларда үткәрелә торган апиталь ремонт һәм озакка сузылган әзерлек эшләре белән бәйле. Атна ахырына бу йортларга да җылы биреләчәк, дип ышандырды Торак-коммуналь хуҗалыгы комитеты рәисе.
Казанда барлык социаль өлкә объектларына һәм торак йортларның 99,8 процентына җылы бирелгән, дип искәртте Гыйниятуллин.