news_header_top
Руc Тат
16+
news_header_bot
news_top
Архив 3 апрель 2017 08:32

Казанда күп балалы гаиләләргә 4800 яңа җир кишәрлеге бүлеп бирелгән

Җир алырга теләүчеләр саны 2011 елдан башлап 8 тапкырга арткан.

Скопировать ссылку

(Казан, 3 март, «Татар-информ», Рөстәм Кильсинбаев). Казанда күп балалы гаиләләргә гомуми мәйданы 869,2 гектар тәшкил иткән 4800 яңа җир кишәрлеге бүленгән. Бу хакта эшлекле дүшәмбе киңәшмәсендә Җир һәм милек мөнәсәбәтләре комитеты рәисе Ренат Галәветдинов хәбәр итте.

Сүз Лаеш районы Сокуры авлы янындагы 177 гектар, Биектау районы Каймар бистәсе янәшәсендәге 53 гектар һәм Казан белән Биектау районындагы дүрт торак массивка якын урыннардагы 639,2 гектар җир кишәрлеге хакында бара.

Күп балалы гаиләләргә җир бүлеп бирү эше 2011 елдан бирле алып барыла. Шул вакыт эчендә гаризалар саны 8 тапкырга арткан – 1158дән 9425кә җиткән. Гомумән алганда 2940 җир кишәрлеге бүлеп бирелгән.

#Күп балалыларга җир
news_right_1
news_right_2
news_bot