Мәдәният 11 декабрь 2009 14:57

Казанда Израиль музыканты чыгыш ясый

Бүген С.Сәйдәшев исемендәге Зур дәүләт концерт залында Израильдән килгән музыкант Алексей Белоусовның “Күңелем – гитара” лип аталган концерты узачак

Скопировать ссылку

(Казан, 11 декабрь, “Татар-информ”). Бүген С.Сәйдәшев исемендәге Зур дәүләт концерт залында Израильдән килгән музыкант Алексей Белоусовның “Күңелем – гитара” лип аталган концерты узачак.
Алексей Белоусов Иерусалимдагы Рубин исемендәге Музыка һәм бию академиясен тәмамлый. Гитарада уйнаучы музыкант Аурупа шәһәрләренең күп кенә атаклы концерт мәйданчыкларында концертлар бирә. Шулай ук Алексей Белоусов "Jerusalem Festival Orchestra", "Ashdod Symphony Orchestra", "Symphoniette Raanana" кебек оркестрлар белән дә чыгыш ясый. Бүгенге көндә ул камера музыкасы белән актив шөгыльләнә. 2004 елда «Arton» камера ансамблен оештыра. 2006 елдан Израильдәге "Guitar Gems"
исемле Халыкара классик гитара фестиваленең сәнгать җитәкчесе булып тора. Казанда бу – музыкантның беренче чыгыш ясавы. Концерт кичке 18 сәгать 30 минутта башлана, дип хәбәр иттеләр Зур дәүләт концерт залының концертлар бүлегеннән.

Сәхифәләр

Казанда Израиль музыканты чыгыш ясый