Мәдәният 4 сентябрь 2017 11:40

Казанда "Ислам мәдәниятендә Пәйгамбәр сүзе" дигән күргәзмә ачыла

Казан Кремлендә моңарчы Россиядә күрсәтелмәгән дини экспонатлар белән танышырга мөмкин булачак.

Скопировать ссылку

(Казан, 4 сентябрь, «Татар-информ», Мөршидә Кыямова). 6 сентябрьдә Казан Кремленең Ислам мәдәнияте музеенда 10.00 сәгатьтә “Ислам мәдәниятендә Пәйгамбәр сүзе” дигән күргәзмә ачыла.

Күргәзмәгә куелачак экспонатлар «АртКлуб» («Art Club B.V») оешмасының шәхси коллекционерлар тупланмасыннан алынган. Бу хакта “Татар-информ” мәгълүмат агентлыгы хәбәрчесенә Ислам мәдәнияте музее директоры Нурия Гәрәева хәбәр итте.

“Бу сирәк коллекция Россиядә беренче тапкыр тәкъдим ителә, – ди Нурия Гәрәева. – Ислам сәнгатенең үзенчәлекле экспонатлары Россия, Англия, Германия, Нидерланд илләренең шәхси коллекционерлар тупланмаларыннан алынды. Араларында XIII-XIX гасырга караганнары да бар. Музей кунаклары 6 сентябрьдән – 10 ноябрьгә кадәр ислам мәдәнияте шедеврлары белән таныша алачак”.

#Ислам мәдәнияты музее директоры Нурия Гәрәева

Сәхифәләр

Казанда "Ислам мәдәниятендә Пәйгамбәр сүзе" дигән күргәзмә ачыла