Казанда җир өсте җәмәгать транспортында йөрү бәясе 46 сумга кадәр арта
Скопировать ссылку
2026 елда Казанда җәмәгать транспортында йөрү бәясе 46 сумга кадәр арта. 100 тапкырга исәпләнгән юл йөрү картасы белән түләгән очракта юл йөрү бәясе 36 сум була. ТР Дәүләт тарифлар комитеты карары республика хокукый мәгълүмат порталында урнаштырылган.
Бүгенге көндә Татарстан башкаласында автобусларда, трамвайларда һәм троллейбусларда йөрү бәясе 43 сум. Шулай итеп, юл йөрү бәясе өч сумга кыйммәтләнәчәк.
Татарстан Республикасы Министрлар Кабинеты карары нигезендә, Казан метрополитенында йөрү бәясе шулай ук яңа ел башыннан 46 сумга кадәр кыйммәтләнәчәк.
Элегрәк ТР Дәүләт тарифлар комитеты 2026 елга җәмәгать транспортында йөрүгә максималь тарифларны раслады.