Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда инвалид балаларның ата-аналарына 10 мең сум акча бирәчәкләр
Казанда Инвалидлар декадасында аерым категория гражданнарга бер тапкыр 10 мең сум акча түләнәчәк. Шәһәр Башкарма комитетының тиешле карары Казан муниципаль берәмлегенең документлар һәм хокукый актлар җыентыгында басылып чыкты. Бу турыда Казан мэриясе хәбәр итте.
Бу түләүләр ике һәм аннан да күбрәк инвалид баласы булган казанлыларга, шул исәптән балачактан инвалидларга (30 яшькә кадәр); бер һәм аннан да күбрәк балигъ булмаган бала тәрбияләүче икесе дә инвалид булган ата-аналарга; бер һәм аннан да күбрәк балигъ булмаган бала, шул исәптән инвалид балалар тәрбияләүче ялгыз инвалид ата-анага каралган.
Түләү алу өчен әлеге категориягә туры килгән шәһәр халкы теркәлү урыны буенча район администрациясенә гариза һәм документлар (паспорт, ИНН, СНИЛС, инвалидлык турында белешмә, баланың туу турындагы таныклыгы, 025 номерлы форма буенча белешмә, счет реквизитлары) белән мөрәҗәгать итәргә тиеш, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз