Казанда инспекторлар бала тудыру йортына барырга булышкан гаиләгә автокресло тапшырды
ЮХИДИ хезмәткәрләре баланы өйгә чыгарган вакытта килеп, әти-әнигә бүләк тапшырды һәм бәби туу белән котлады.
Скопировать ссылку
(Казан, 14 гыйнвар, “Татар-информ”). Казан автоинспекторлары бала тудыру йортына барып җитәргә булышкан гаиләгә автокресло тапшырдылар. Бу хакта ЮХИДИ матбугат хезмәте хәбәр итә.
Автоинспекторлар баланы өйгә чыгарган вакытта килделәр. Әти-әнине котладылар һәм бала өчен автокресло бүләк иттеләр.
- 10 гыйнварда Кама Тамагында яшәүче ир-ат үзенең йөкле хатыны белән Казанның Вахитов урамыннан барган. Хатынның тулгаклары башлана. Ир юл читенә туктый һәм ДПС хезмәткәрләреннән ярдәм сорый. Автоинспекторлар үзләренең патруль машинасындагы ут һәм тавыш сигналларын кушалар. Һәм булачак әти-әнине үз машиналары белән РКБга кадәр озата баралар.
