Дин 11 декабрь 2018 16:27

Казанда имамнарга татар телендә дини риторика турында сөйләячәкләр

Проект җомга намазлары форматында татар телендә мәгълүмат җиткерү ысулларын камилләштерүне күздә тотып эшләнгән.

Скопировать ссылку

(Казан, 11 декабрь, “Татар-информ”). Казанда имамнар өчен татар телендә дини риторика темасына махсус лекторий була. Әлеге чараны КФУның Халыкара багланышлар институтының Ислам һәм исламны өйрәнү ресурс үзәге Татарстан мөселманнары Диния нәзарәте белән берлектә оештыра. Бу хакта Ресурс үзәге матбугат хезмәте хәбәр итә.

Лекторий дүрт тема буенча лекция һәм гамәли дәресләрне: куркулар, аудитория һәм кабул итү, сөйләм матурлыгы һәм чыгыш ясау структурасын үз эченә ала.

Спикер “Мөхәммәдия” мәдрәсәсен тәмамлаган ТНВ телеканалы алып баручысы Рүзәл Әхмәдиев була.

Имамнарның эш графигын истә тотып, дәресләр кичен – 18:30 сәгатьтән 20:30 сәгатькә кадәр уздырыла. Дәресләр 17, 18, 19, 24 декабрьдә Казанда Дини оешма хезмәткәрләре һәм уку йортлары мөгаллимнәре квалификациясен күтәрү үзәгендә (Цветочная ур.,24) була, диелгән әлеге хәбәрдә.

#имам #диния нәзарәте #лекторий

Сәхифәләр

Казанда имамнарга татар телендә дини риторика турында сөйләячәкләр