Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда икенчел торакка иң үтемле бәяләр Авиатөзелеш һәм Мәскәү районнарында теркәлгән
2026 елның гыйнварында Казанда икенчел торакта иң арзан бәяләр Авиатөзелеш һәм Мәскәү районнарында теркәлгән. Бу хакта «Татар-информ»га «Яндекс»ның фатирлар буенча тематик эзләү экспертлары хәбәр итә. Анализ нейрочелтәр нигезендә үткәрелгән.
Ике районда да квадрат метрның уртача бәясе 164 мең сум тәшкил иткән. Авиатөзелеш районында бәя бер ай эчендә 1,3 процентка һәм кварталда 6,6 процентка, ә Мәскәү районында – бер ай эчендә 1,7 процентка һәм кварталда 5,6 процентка арткан. Биредә бәяләрнең түбән булуы типик төзелешләр һәм премиаль сегмент булмау белән бәйле.
Икенче урынны медиана бәясе 185 мең сум булган Киров районы, өченче позицияне 210 мең сум белән Идел буе районы алган.
Совет һәм Яңа Савин районнары урта һәм югары бәяләр сегментына кергән, анда квадрат метрның медиана бәясе 221 меңнән 226 мең сумга кадәр үзгәргән. Иң югары бәяләр гадәттәгечә Вахитов районында теркәлгән – 283 мең сум. Биредә бәяләрнең югары дәрәҗәсе үзәктә урнашуы, тарихи корылмаларның концентрациясе һәм тәкъдимнең чикләнгән булуы белән бәйле.
Кызыклы яңалыкларны күзәтеп бару өчен Телеграм-каналга язылыгыз