Сәясәт 31 декабрь 2021 11:02

Казанда ике баласы белән ана кеше ис газы белән агулангач, тикшерү башланды

Тикшерү вакытында газ чыгуы ачыкланмаган, ә йорт эчендәге газ җиһазлары төзек булган.

Скопировать ссылку

(Казан, 31 декабрь, «Татар-информ», Полина Шевчук). Казанның Мулланур Вахитов урамындагы йортларның берсендә ике кызы белән ана кеше агуланган. Шул сәбәпле, Казанның Киров районы прокуратурасы тикшерү башлады.

Бу хәл кичә кичке сәгать ун тирәсендә булган. 50 яшьлек хатын-кыз белән аның 12 һәм 8 яшьлек кызларын хастаханәгә китергәннәр. Табиблар аларның хәлен канәгатьләнерлек дип бәяли. Тикшерү вакытында газ чыгуы ачыкланмаган, ә йорт эчендәге газ җиһазлары төзек булган.

«Бу йортка Казанның Киров районы прокуроры урынбасары Максим Жолобов барган. Күзәтчелек ведомствосы профильле тармак белгечләре белән бу хәлнең килеп чыгу сәбәпләрен ачыклаячак, шулай ук йорт эчендәге газ җиһазларын куллану буенча иминлек кагыйдәләре үтәлешен тикшерәчәк», — диде Татарстан прокурорының өлкән ярдәмчесе Руслан Галиев.

Сәхифәләр

Казанда ике баласы белән ана кеше ис газы белән агулангач, тикшерү башланды