Авыл 10 ноябрь 2016 14:34

Казанда Игенчеләр сарае каршында узачак көзге Сабан туенда шифаханәгә юллама уйнатыла

ТР Авыл хуҗалыгы һәм азык-төлек министрлыгы көзге муллык бәйрәмнәрен оештыруны дәвам итә.

Скопировать ссылку

(Казан, 10 ноябрь, "Татар-информ") Татарстан Авыл хуҗалыгы һәм азык-төлек министрлыгы Казанның Игенчеләр сарае каршында быелгы уңышка багышланган көзге Сабан туйлары оештыруны дәвам итә. Чираттагы бәйрәм 12 ноябрьдә, шимбә көнгә билгеләнгән, дип хәбәр итә министрлыкның матбугат хезмәте.

Эре авыл хуҗалыгы предприятиеләре белән берлектә уздырылачак бу бәйрәмдә Казан халкы һәм башкала кунаклары өчен иҗат коллективлары, Казан дәүләт аграр университеты студентлары катнашында күңел ачу программасы сәгать 11.00 ачылачак.

Игенчеләр сарае каршындагы мәйданда Казан дәүләт аграр университеты үз уку йорты белән таныштырып, "ачык ишекләр" көне уздырса, Россия авыл хуҗалыгы үзәге бакчачылар өчен викторина үткәрәчәк. Һәм, әлбәттә, авыл хуҗалыгы продукциясе ярминкәсе булачак. Сәгать көндезге 12 тулгач, бушлай таратылган лотерея уйнатылачак, төп приз – шифаханәгә юллама.

#Игенчеләр сарае #көзге Сабан туе

Сәхифәләр

Казанда Игенчеләр сарае каршында узачак көзге Сабан туенда шифаханәгә юллама уйнатыла