Казанда җиденче тапкыр "Кино вакыты" форумы була

(Казан, 2 март, "Татар-информ"). 6 -7 мартта Казанда җиденче тапкыр "Кино вакыты" форумы узачак. Программада "АвторТочкаЯ", "КиноРrofi", "Кино күрсәтүләр" һәм III Кинопроектлар питчингы бар. Бу турыда Татарстан Мәдәният министрлыгы матбугат хезмәте хәбәр итте.

7 мартта III кинопроект питчингы була һәм VI ачык республика киносценарийлар конкурсында җиңүчеләр билгеләнәчәк. Форум чаралары Заманча сәнгать галереясындә (Карл Маркс ур., 57) һәм Татарстан Республикасы Мәдәният министрлыгында (Пушкин ур., 66/33) узачак. Форум Актерлар йортында (Щапов ур., 37) "The Oscars Shorts" эксклюзив коллекциясенең премьера алды күрсәтелүе белән ябыла.

6 март көнне форум Заманча сәнгать галереясындә эшләячәк. Бу көнне юрист, Россиянең 2 нче класслы киңәшчесе, Россия Юристлар ассоциациясе әгъзасы Вячеслав Рябков белән авторлык хокукы һәм юридик мәсьәләләр буенча (15.00-17.00), Россия мәдәният министры киңәшчесе Андрей Сорокин белән "Кинематография өлкәсендә дәүләт сәясәте" темасына (17.30 – 19.30) очрашу була.

Беренче көн ахырында форум кунакларына питчингларда катнашучы фильмнар программасы тәкъдим ителәчәк (19:30 – 20:30). 7 мартта Татарстан Республикасы Мәдәният министрлыгының конференцияләр залында III Кинопроектлар питчингы узачак (10.00 – 13.00).

Шорт-листка барлыгы 15 проект кергән: 10 тулы метражлы һәм 5 кыска метражлы проект. Проектлар дүрт номинациядә бүләкләнәчәк: иң яхшы тулы метражлы проект; иң яхшы документаль проект; иң яхшы кыска метражлы проект; "Work-in-progress"номинациясендә иң яхшы проект.

Экспертлар советы составына Россия кинематографистлар берлегенең Яшьләр үзәге башкарма директоры Дмитрий Якунин, Россия мәдәният министры киңәшчесе Андрей Сорокин һәм башкалар керәчәк, диелгән әлеге хәбәрдә.

• «Родник Марьям», Сафиуллин Малик (тулы метражлы уен фильмы)
• «Ярость», Гаранин Андрей (тулы метражлы уен фильмы)
• «Я не приду», Сабитов Булат (тулы метражлы уен фильмы)
• «Новая Шотландия», Иванникова Анна (тулы метражлы уен фильмы)
• «Баня», Николаев Дмитрий (тулы метражлы уен фильмы)
• «О, жажда золота», Ишкинин Роман (тулы метражлы уен фильмы)
• «Город Брежнев», Потехин Артем (тулы метражлы уен фильмы)
• «Кахексия», Галимуллина (Кузьмина) Алинә / Романов (Хөснетдинов) Тимур (тулы метражлы уен фильмы)
• «Не называй меня Вася», Шакирҗанова Әлфия (тулы метражлы уен фильмы)
• «Дебаркадеры», Мурашова Мария (тулы метражлы документаль фильм)
• «Дыши глубже», Хайнуров Рудольф (кыска метражлы уен фильмы)
• «Солдатская шапка», Москвин Павел (кыска метражлы уен фильмы)
• «Разговор», Какалия Занда (кыска метражлы уен фильмы)
• «Звезда», Матросов Алексей (кыска метражлы уен фильмы)
• «Чистопольская тетрадь», Нафиков Ришат (кыска метражлы уен фильмы)