Җәмгыять 10 декабрь 2009 16:50

Казанда иң яхшы донорларны бүләклиячәкләр

11 декабрьдә «Ак Барс» мәдәният үзәгендә елга иң күп плазма һәм кан тапшыручыларны котлау тантанасы оештырыла

Скопировать ссылку

(Казан, 10 декабрь, “Татар-информ”, Ләйсән Әсәдуллина). Иртәгә, 11 декабрьдә, «Ак Барс» мәдәният үзәгендә елга иң күп плазма һәм кан тапшыручыларны котлау тантанасы оештырыла. Бәйрәмдә иң яхшы 11 донорны бүләкләү планлаштырыла. Бу турыда бүген “Татмедиа” агентлыгында узган матбугат конференциясендә “Росплазма” федераль дәүләт учреждениесенең генераль директоры урынбасары Евгений Сметанин белдерде.
Бәйрәмгә ТР Президентының социаль мәсьәләләр буенча Дәүләт киңәшчесе Татьяна Ларионова, Казан башлыгы Илсур Метшин, шәһәр һәм районнар хакимиятләре башлыклары, «Росплазма» учреждениесе җитәкчелеге, табиблар, иҗтимагый оешмалар һәм дини конфессияләр вәкилләре чакырыла. Тантанада кунак булып донорлар катнашуы көтелә. Бүген республикада алар 50 мең белән исәпләнә.

Сәхифәләр

Казанда иң яхшы донорларны бүләклиячәкләр