Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда иң кыйммәтле фатир бәясе билгеле
Кыйммәтле фатир тәрәзәсеннән Казан Кремле һәм елга буе, Кол-Шәриф мәчете, Петропавловск соборына хозурлык ачыла.
(Казан, 10 июнь, «Татар-информ»). Касаткин урамындагы «Ренессанс» торак комплексында урнашкан Казандагы иң кыйммәтле фатирның бәясе 139 млн сум тәшкил итә. Иң кыйммәтле фатирлар рейтингын «Фатирлар дөньясы» күчемсез милек федераль порталы төзегән.
«Соңгы, тугызынчы катта урнашкан 360 «квадрат метр» тәрәзәләреннән Казан Кремле һәм елга акваториясе ачыла, Кол-Шәриф мәчете, Петропавловск соборы һәм башка истәлекле урыннар күренә», — диелә хәбәрдә.
Мәскәүдә иң кыйммәтле фатир 1,7 млрд сум тора һәм ул Мәскәү Кремле янында «Мәскәү» кунакханәсендә урнашкан.Ул Манеж һәм Театр мәйданчыклары арасында тора. Кунакханәнең 14 нче катында 530 квадрат метр мәйданлы фатир ирекле планировкага һәм апартамент статусына ия.
Санкт-Петербургтагы иң кыйммәтле фатир 2,5 тапкыр арзанрак, ул 680 млн сум тора. 500 квадрат метр мәйданлы торак Кутузов яр буенда элиталы клуб йортында, Җәйге бакча янында урнашкан.
Сочи үзәгендә, диңгез яр буендагы 320 квадрат метр мәйданлы 6 бүлмәле фатир өчен 290 млн сум сорыйлар. Апартаментлар 20нче катта, аквапарк һәм Үзәк яр буендагы яңа йортта урнашкан.
Кызыклы яңалыкларны күзәтеп бару өчен Телеграм-каналга язылыгыз