Казанда җиңел машина өстенә түбәдән бозлы кар ишелеп төшкән
Бозлы кар «Лада» автомобиленең арткы тәрәзәсен ваткан.
Скопировать ссылку
(Казан, 23 февраль, «Татар-информ»). Казанда күп катлы йорт түбәсеннән җиңел машина өстенә кар ишелеп төшкән һәм багажнигын тишкән. Шаһитлар һәлакәт урынында төшерелгән видеоны социаль челтәрләргә куйган.
Беренчел мәгълүматлар буенча, бу хәл кичә Серов урамында булган. Видеода яньчелгән машина янында хуҗасы басып торуы күренә. Бозлы кар «Лада» автомобиленең арткы тәрәзәсен ватып кергән һәм машинаны яньчегән.
Зыян китерелгән автомобиль күпкатлы йортның подъезды янында торган. Бәхеткә зыян күрүчеләр юк.
