Казанда җиңел машина белән «КАМАЗ» һәлакәтендә өлкән яшьтәге ир-ат имгәнгән
Юл транспорт һәлакәте бүген, 7.00 сәгатьтә, Несмелов урамында булган.
Скопировать ссылку
(Казан, 22 май, «Татар-информ», Полина Шевчук). Казанда җиңел машина белән «КАМАЗ» һәлакәтендә өлкән яшьтәге ир-ат имгәнгән. Бу турыда шәһәрнең Дәүләт автоинспекциясендә сөйләделәр.
Юл транспорт һәлакәте бүген, 7.00 сәгатьтә, Несмелов урамы һәм Киров дамбасы чатында булган. Беренчел мәгълүматлар буенча, «КАМАЗ» йөртүчесе туктарга өлгермәгән һәм «Рено» автомобиленә бәрелгән.
Һәлакәттә чит ил машинасының 75 яшьлек пассажиры зыян күргән. Ашыгыч ярдәм табиблары аның башы бәрелеп, имгәнгәнен ачыклаган.