Казанда җиңел автомобиль баганага килеп бәрелгән, зыян күрүчеләр бар
Авария кичә төнге уникенче яртылар тирәсендә Чернышевский һәм Профсоюз урамнары чатында булган.
(Казан, 10 август, «Татар-информ», Полина Шевчук). Казанда ике җиңел автомобиль катнашында авария булган. Аларның берсе баганага килеп бәрелгән, зыян күрүчеләр бар. Бу хакта «Татар-информ» агентлыгына әлеге аварияне күргән кешеләр хәбәр итте.
Аларның сүзләреннән билгеле булганча, авария кичә төнге уникенче яртылар тирәсендә Чернышевский һәм Профсоюз урамнары чатында булган. Биредә ике җиңел автомобиль бәрелешкән.
«Нәтиҗәдә, җиңел автомобильләрнең берсе, тротуарга чыгып, баганага һәм бина почмагына килеп бәрелгән. Икенчесе урам чатында аркылы баскан. Ашыгыч ярдәм табиблары бер кешене хастаханәгә алып китте», - дип сөйләде әлеге аварияне күргән кешеләрнең берсе.