Казанда Химиклар урамында чит ил машинасы багананы аударган
Авария иртәнге уннар тирәсендә Химиклар урамында 2 нче йорт янында булган.
(Казан, 30 декабрь, «Татар-информ», Полина Шевчук). Казанның Химиклар урамында чит ил машинасы багананы аударган, машиналар хәрәкәте туктап калган. Бу хакта «Татар-информ»га авариянең шаһитлары хәбәр итте.
Юл-транспорт һәлакәте иртәнге уннар тирәсендә Химиклар урамында 2 нче йорт янында булган. Беренчел мәгълүматлар буенча, «Фольксваген» җиңел машинасы «КИА» белән бәрелешкән һәм юлдан чыгып очкан, шуннан соң баганага бәрелгән. Көчле бәрелүдән багана ауган һәм чыбыкларга эләгеп калган.
«Хәзер Химиклар урамының авария булган өлешендә ике яклап та машиналар хәрәкәте тукталып калган. Ремонт хезмәтләре эшли», — дип сөйләде авария шаһитлары.